16/12/2024 11:32 
Azərbaycan Respublikası Elm və Təhsil Nazirliyi Polimer Materialları İnstitutunun alimi, k.e.d., professor Qəhrəmanov Nəcəf Tofiq oğlu 5-ci beynəlxalq konqresdə iştirak edib.
    Azərbaycan Respublikası Elm və Təhsil Nazirliyi Polimer Materialları İnstitutunun “Polimerlərin mexaniki-kimyəvi modifikasiyası və emalı” laboratoriyasının müdiri k.e.d., professor Qəhrəmanov Nəcəf Tofiq oğlu 11-13 dekabr 2024-cü il tarixində “Polimerlər Azərbaycan və MDB: zavodların tikintisi və modernləşdirilməsi” 5-ci beynəlxalq konqres və sərgisində (5-й международный конгресс и выставка «Полимеры Азербайджана и СНГ: строительство и модернизация заводов») iştirak edib. Tədbir istehsal müəssisələrinin tikintisi və modernləşdirilməsi üçün polimer sənayesində ən iri investisiya layihələrinin, eləcə də mövcud müəssisələrin səmərəliliyinin artırılması imkanlarının müzakirəsinə həsr olunmuşdur. Polimerlər və sintetik kauçuklar istehsalçılarını, polimer sənayesində investisiya layihələrinin təşəbbüskarlarını, sənayenin tənzimləyici və nəzarət orqanlarını, istehsal texnologiyaları üzrə lisenziya verənləri, tərtibatçıları, avadanlıq istehsalçılarını və təchizatçılarını bir araya gətirən bu konqresdə professor Nəcəf Qəhrəmanov "Устойчивое развитие и экологичность полимерной промышленности: управление отходами, переработка и законодательства” adlı 7-ci sessiyaya moderatorluq edib. Həmçinin 12 dekabr 2024-cü il tarixində “Синтез, модификация структуры и свойств, переработка полимерных композитов и нанокомпозитов» adlı məruzə ilə çıxış edib. Məruzədə Polimer Materialları İnstitutunda aparılan elmi-tədqiqat işləri haqqında geniş məlumat verilmişdir. Göstərilmişdir ki, elm çox irəli gedib, istehsalat isə hələ ki, geridədir. Bunun əsas səbəbi isə tədqiqatların nəticələrini tətbiq etmək baxımından, sənayedə sintez olunan poliolefinlər hal-hazırda satış bazarını lazımınca təmin edir. Hər bir yeniliyin polimerlərin istehsalı ilə əlaqədar sənaye qurğularında həyata keçirilməsi üçün iqtisadi cəhətdən əlavə xərclər tələb olunur.   

Təklif olunub ki, polimerlərin sintezi ilə əlaqədar olan müəssisələr emal müəssisələri ilə birgə işləməlidirlər. Eyni zamanda qeyd olunub ki, emal zavodlarında istifadə olunan polimerlərin keyfiyyəti haqqında məlumatlar SOCAR Polymer-in və Polimer Materialları İnstitutunun mütəxəssislərinin iştirakı ilə birgə müzakirə olunmalıdır.

Konqresdə Nəcəf Qəhrəmanov bir neçə iştirakçılarla görüşüb və birgə əməkdaşlıq haqqında razılıq əldə olunub.